Knödel vom Salm.

Aus: Ein new Kochbuch (1581), Kapitel 04, Teil 05, Nr. 05

Originalrezept:

Nim ein stück Salm / der roh ist / schneidt vnnd hack jn klein / reib darvnter ein weissen Weck / vnnd grüne wolschmeckende Kräuter / thu auch ein wenig Ingwer darein / hack es durcheinander / biß es klein wirt / vnnd saltz es ein wenig. Nim Eyerdotter darvnter / vnnd frische Butter / die vnzerlassen ist / setz sie auff Kolen / vnd zerlaß sie / seig sie durch ein Sib / vnd geuß vnter den gehackten Salm. Nim darnach ein kleinen Fischkessel / der vberzindt ist / seig darein ein Erbsbrüh / die schön lauter ist / setz sie auff Kolen / laß darmit sieden / wasch darnach die Händ fein sauber / vnnd mach Knödel auß dem gehackten Salm / zeuchs eyn in die Brüh / schneidt darein Pettersilgen Wurtzel / vnd gantze Muscatenblüt / laß darmit sieden / vnd brenn ein wenig Mehl darein / biß sie schier gesotten seyn / so thu ein frische vngeschmältzte Butter darein / vnnd laß darmit ein Sudt auffthun / so wirt die Brüh fein weiß vnd wolgeschmack.

Transkription:

Maximilian Schmidauer

Zitierempfehlung:
Maximilian Schmidauer (Transkription): "Knödel vom Salm.", in: Ein new Kochbuch (1581), Kapitel 04, Teil 05, Nr. 05,
online unter: https://gastrosophie.sbg.ac.at/kbforschung/r-datenbank/?rdb_rezepte=knoedel-vom-salm (04.12.2022).

Datenbankeintrag erstellt von Maximilian Schmidauer.