Willkommen

Sie befinden sich auf der Plattform zur historischen Rezeptforschung der Gastrosophie des Fachbereichs Geschichte an der Universität Salzburg. Die Datenbank dient als Sammlung historischer Kochbücher und Kochbuchhandschriften (vornehmlich aus der Barockzeit) und soll vor allem bei der quellenübergreifenden Auswertung sowie Analyse dieser unterstützen. 

13649

Rezepte in der Datenbank

20

Kochbuchquellen

Rezeptinspiration des Augenblicks:

Ein Gallrat zu machen von dem Kappaunen.
Haw den Kappaunen zu kleinen stücken / nim(m) ein neuwen Hafen oder Topff / der wol außgesotten ist / setz den Kappaun darinn zu mit lauterm schönen Wein / laß jn darinnen sieden / biß daß er wol weich wirt / nim(m) darnach das Fleisch sampt der Brüh / vnd laß es durch ein Härin Tuch durchlauffen / Nim(m) widerumb ein frischen Topff / der außgesotten ist / geuß die Brüh darein / nim(m) gantze Zimmet / die klein gebrochen / ein viertel eines Pfundts / thu sie in die Brüh / vnnd etwan zehen gantze Neglein / die fein sauber außgewaschen seyn / Nim(m) einen Schneeweissen Zucker / damit richt die Brüh wol zu / laß miteinander sieden / sampt der Brüh / etwan ein halbe stundt lang / vnnd wenn du es schier wirst vom Feuwer nemmen / so mach es gelb mit Saffran / laß ein wenig sieden / doch nicht zu lang / nim(m) es vom Feuwer hinweg / vnd schüt es in ein schönen saubern Wüllen Sack / laß es durchlauffen in eine Schüssel / so wirt es schön vnd lauter / laß darnach gestehen / so kanstu es zerschneiden / oder gantz geben / wie du wilt / so ist es ein kräfftige Speise. Du kanst von einem Kappaunen nicht viel machen / darumb muß man die Brüh kurtz lassen eynsieden. Denn ein solche Gallrat wirt gestehen / es sey der Sommer wie heiß er wöll / wenns nur in einem kalten Keller ist / so gestehet es ehe / denn mit Hausen Blasen / ist auch gesunder vnnd lieblicher zu essen / schmeckt lieblich nach dem Zimmet. Wiltu aber ein grosse Gallrat machen / so mustu viel Kappaunen darzu haben / so kanstu sie mache(n) grün / rot / oder mit jrer eygnen Brüh / so stehet es schön von dem Zimmet. Vnd solche Gallrat kan man auff vielerley manier zurichten / aber sie kosten viel / Denn ein grosser Vogel muß ein groß Nest haben / wil man Schweinsköpff essen / so muß man Hundtsköpff daran setzen.