Willkommen

Sie befinden sich auf der Plattform zur historischen Rezeptforschung der Gastrosophie des Fachbereichs Geschichte an der Universität Salzburg. Die Datenbank dient als Sammlung historischer Kochbücher und Kochbuchhandschriften (vornehmlich aus der Barockzeit) und soll vor allem bei der quellenübergreifenden Auswertung sowie Analyse dieser unterstützen. 

13649

Rezepte in der Datenbank

20

Kochbuchquellen

Rezeptinspiration des Augenblicks:

[Hecht mit Darm und Magen].
Nim ein Hecht / vnd schneidt jn sauber / daß er fein weiß wirt / wasch jn auß zweyen oder dreyen Wassern / thu jn auff / vn zerschneidt den Magen nicht vnd die Blasen / damit du es gantz kanst herauß bringen. Nim de Magen / kehr jn vmb / vnd säuber jn auß einem Wasser / vnd den Darm / der am Magen henbgt / setz auff im Wasser / vn laß ein Sudt auffthun / thu jn herab / vnd kül jn auß / schneidt jn auff / schleim vnd butz jn auß / schneidt jn fein klein / nim ein stück vom Hecht / vnd schneidts auch klein / vnd thu die Grädten herauß. Schneidt auch darvnter ein wenig Zwibeln / vnd grüne wolschmeckende Kräuter / hack das alles durcheinander / pfeffers vnd saltzs / thu darvnter frische vngeschmältzte Butter / vn füll den Magen vnd Blasen damit / bindt es zusammen mit einem Faden / legs in heiß Wasser / vnnd laß darmit sieden wol an die statt / denn der Magen hat ein zehe Haut. Setz darnach klein geschnittene Zwibeln in Wasser auff / vnd laß wol sieden / biß sie weich werden / nim sie herab / schneidt den Hecht / den du hast eyngesaltzen / zu stücken / wasch jn fein sauber auß / vn leg jn in die Brüh mit der Wurst / die du gemacht hast / thu ein guten Weinessig darein / setz auff / vnd laß sieden / versuchs / obs recht gesaltzen / ist es recht / so mach es ab mit gestossenem Pfeffer / wirff Butter / die vngeschmältzt ist / darein / laß damit flugs auffsieden / dz es fein säurlich wirt / so ist es gut vnnd wolgeschmack. Denn vngeschmältzte Butter macht alle Speise gut / es sey Fleisch oder Fisch / sonderlich aber was weisse Speiß betrifft / es sey saur oder nicht / ist es auff beyde manier gut.