Auf Vngerisch gelb eyngemacht Hennen.

Aus: Ein new Kochbuch (1581), Kapitel 03, Teil 21, Nr. 02

Herkunftsbezeichnung(en): Ungarisch

Originalrezept:

Nim(m) Epfel vnd Zwibel / auch Limonien / hack sie klein / nim(m) darnach ein Rindtfleischbrüh / vnd setz sie zu / vnd laß sieden / biß daß gar eyngekocht. Nim(m) die Hennen / die gesotten ist /vnnd doch noch sieden bedarff / thu das Gehack in ein vberzinten Fischkessel / geuß lauter Wein vnnd ein wenig Essig darein / leg die Hennen darein / vnd laß darmit sieden / machs darnach ab mit Gewürtz / Pfeffer vnd Saffran / vnnd zuckers wol / laß darmit sieden / dz ein kurtze Brüh gewinnet. Du kanst auch wol ein wenig Brot darein hacken / so wirt es ein wenig dick davon / schneidt ein wenig Bertrumkraut daran / oder magst Limonien darein schneiden fein breit / so ist es gut vnd zierlich.

Transkription:

Helga Kraihamer

Zitierempfehlung:
Helga Kraihamer (Transkription): "Auf Vngerisch gelb eyngemacht Hennen.", in: Ein new Kochbuch (1581), Kapitel 03, Teil 21, Nr. 02,
online unter: https://gastrosophie.sbg.ac.at/kbforschung/r-datenbank/?rdb_rezepte=auf-vngerisch-gelb-eyngemacht-hennen (19.01.2022).

Datenbankeintrag erstellt von Helga Kraihamer.